Экономиканы демонополизациялау жөніндегі комиссияның кезекті отырысында Үкімет 475 кәсіпорынды жекешелендіру, біріктіру немесе тарату туралы шешім қабылдады. Бұл жұмыс 2030 жылға дейін кезең-кезеңімен жүзеге асады.
Премьер-министр Олжас Бектенов Мемлекет басшысының жарлығы нақты әрі уақытылы орындалуы тиіс екенін атап өтті.
Мемлекеттік экономикадағы үлес тек әлеуметтік маңызы бар және стратегиялық секторлармен шектеледі.
Үкімет орта бизнестің ЖІӨ-дегі үлесін арттыру, бәсекелестікті тежейтін кедергілерді жою бойынша да шаралар қабылдайды.
«Нарық ашық әрі әділ болуы керек. Мемлекет артық қатысқан салалар бизнестің еркін дамуына кедергі келтіреді,» – деді Премьер-министр.
Бұл қадамдар кәсіпкерлікке кең жол ашып, әділ нарықтық орта қалыптастыруды көздейді.
